Khushgawar

Zindagi kuch khushgawaar si hui hai hai is dafaa.. Poori qaynaat meherbaan si hui hai is dafaa..

Yun toh girjati hai boond seep mein..
Jab vo intezar karti hai sadiyon tak..
Jo ek boond ne khud dhoondha seep ke wajood ko... Toh Seep bhi kuch shukraguzaar si hui hai is dafaa.. Zindagi kuch khushgawaar si hui hai is dafaa..

Sadiyon tak jab maangi dua ..qubool ho.. toh kya baat ho...
Par ek bemaangi dua..ek masoom bacchi ke paas pohonchi hai is dafaa..
Zindagi kuch khushgawaar si hui hai is dafaa

Dariya toh har baar behti hai samundar se milney ko..
 Jo is baar ek samundar ki leher milney khud aayi ussey.. toh dariya ki bhi aankh nam hui hai is dafaa..
Zindagi kuch khushgawaar si hui hai is dafaa..

Yun toh aasmaan sada ooncha hai zameen ke saamney bohot.
Par jo vo jhuka zameen ko chumney ko..
Toh aasmaan ki bhi khoobsoorat si haar hui hai is dafaa..
Zindagi kuch khushgawaar si hui hai is dafaa..

Yun toh har baar hi seham ke dhoondhti hain vo nanhi ungliyaan us wajood ko..
Jo bevajah aa kar thaam Iiya un haathon ne..
Toh vo ungliyaaan ..fir dua maangney ki haqdaar si hui hain is dafaa..
Zindagi kuch khushgawaar si hui hai is dafaa